Te coneissi pas brica. Alavetz me cal explicar perque t'escrivi. S'anatz veire le tot primièr article (que jà n'i a pas gaire...per tu Melania!) veiretz que i a un òme que me daissèt un comentari (en mai de ma maire...).
A tu tipe que te fas sonar Joan deu Peiroton e que coneissi pas, te vòli faire un article, tant ma suspresa de veire qu'aquò posca interessar qualqu'un foguèt granda.
De'n primièr decidi, a l'unanimitat de ma persona soleta, que te vau dire de tu, coma ba fau dempuèi la debuta, puèi que parlas la lenga e que m'as pas raubat de campairòls, òm ba dirià.
E puèi ai fait ma pichòta enquista sus tu. Me soi entresenhada sus internet e ai trapat ton blòg, que ses un blogaire!!! En cò mieu tanben vesèm Pirineus!!! Gaita aquò!
Per seguir contunhèri l'enquista a la facultat e aqui comprenguèri... Pensavi de t'explicar dins aquel article le projècte de blòg balhat coma trabalh notat en practica modèrna de la lenga, mas aprèp enquista es pas mai obligatòri, sas jà tot : l'article per setmana d'un quinzenat de linhas, d'imatges e/o film de còps que i a, de comentaris en cò dels autres... Doncas sas qu'ai pas tenguts les engajaments. Marrida filha que soi! Melania le ditz pro!Te merceji Joan deu Peiroton, emai te conesca pas, que m'a fait plasèr de veire que i avià de mond qu'aquò interessava les blògs.
Adieu Joan deu Peiroton.
1 commentaire:
Mercé plan pel messatge, gojata! M'as fach plaser. Mas, sas, me faràs encara mai plaser se poguèsses contunhar de bloguejar sense que degun ni res t'i obligue. A ton ritme. Per far viure la lenga.
Es plan polit ton pais, es plan polida ta lenga.
alara, fai-los coneisser, i a pas cap de rason d'o far pas. Dins un blòg, i pòs metre çò que vòls, de fòtos del país, e son ben polidas, tas fòtos, e sustot, o torni díser, i pòs far viure la lenga.
Mercé encara e bona dimenjada!!!!
Enregistrer un commentaire